ကောင်းကင်မြေတိုင်းနှင့်ဓာတ်ပုံဌာနခွဲ

နောက်ခံသမိုင်း ကောင်းကင်မြေတိုင်းရုံးကို ၁၉၅၃ ခုနှစ်၊ ဇန်နဝါရီလတွင် အမှတ်( ၈၈ )၊ ပြည်လမ်း၊ ( ၆ )မိုင်ခွဲ၊ ယခု International Business Centre (IBC)​ နေရာ၌ ရုံးစိုက်ကာ အမျိုးသားစီမံကိန်းဝန်ကြီးဌာန (Ministry of National Planning) အောက်တွင်သီးခြားဖွဲ့စည်းတည်ထောင်ခဲ့ပြီး၊ ဒုတိယဗိုလ်မှူးကြီးဘဟန်အားပထမဆုံး ညွှန်ကြားရေးဝန်အဖြစ် တာဝန်ပေးအပ်ခဲ့ ပါသည်။ ၁၉၅၄ ခုနှစ်တွင် လုပ်ငန်းသဘောသဘာဝခြင်း တူညီသည့်မြေတိုင်းဦးစီးဌာန၏ရုံးခွဲ အဖြစ်ဆောင်ရွက်ခဲ့ပါသည်။ ၁၉၉၀ ခုနှစ်တွင် ကောင်းကင်မြေတိုင်းနှင့်ဓာတ်ပုံဌာနခွဲ အဖြစ်ဆောင်ရွက်ခဲ့ပြီး ယခုအချိန်ထိ လုပ်ငန်းတာဝန်များ ဆောင်ရွက် လျက်ရှိပါသည်။ ၁၉၅၃ ခုနှစ် ကောင်းကင်မြေတိုင်းဌာန စတင်တည်ထောင်ချိန်မှ ယခုအချိန်အထိ တာဝန်ယူဆောင်ရွက်ခဲ့ကြသည့်အကြီး အကဲများမှာ အောက်ပါအတိုင်းဖြစ်ပါသည်။

စဉ်     အမည်                          ကာလ ရာထူး
၁။   ဒုတိယဗိုလ်မှူးကြီးဘဟန်  ( ၁၉၅၂ - ၁၉၅၄ )   ညွှန်ကြားရေးဝန်
၂။   ဦးအာရ်လှကျော်              ( ၁၉၅၄ - ၁၉၅၇ )   ဦးစီးဌာနမှူး
၃။   ဦးလွန်းဘေ                   ( ၁၉၅၇ - ၁၉၇၃ )   ဦးစီးဌာနမှူး
၄။   ဦးမောင်မောင်                ( ၁၉၇၃ - ၁၉၈၁ )   ဦးစီးဌာနမှူး
၅။   ဦးရှိန်                          ( ၁၉၈၁ - ၁၉၈၈ )   ဦးစီးဌာနမှူး
၆။   ဦးအောင်သန်း               ( ၁၉၈၈ - ၁၉၉၂ )   ညွှန်ကြားရေးမှူး
၇။   ဦးမြင့်လွင်                    ( ၁၉၉၂ - ၁၉၉၈ )   ညွှန်ကြားရေးမှူး
၈။   ဦးကံဆင့်                     ( ၁၉၉၈ - ၂၀၀၄ )   ညွှန်ကြားရေးမှူး
၉။   ဦးသန်းလှိုင်                  ( ၂၀၀၄ - ၂၀၀၈ )   ညွှန်ကြားရေးမှူး
၁၀။ ဦးသန်းအေး                 ( ၂၀၀၈ - ၂၀၁၃ )   ညွှန်ကြားရေးမှူး
၁၁။ ဦးတင်ဝင်း                   ( ၂၀၁၃ - ၂၀၁၄)     ညွှန်ကြားရေးမှူး
၁၂။ ဦးကိုလတ်                    (၂၀၁၅ - ယခုထိ)    ညွှန်ကြားရေးမှူး

၁၉၅၄ ခုနှစ်တွင် အမေရိကန်နိုင်ငံ၊ ကောနယ်တက္ကသိုလ်မှ ဒေါက်တာဘဲချား ဦးဆောင်သည့် ပညာရှင်အဖွဲ့ဝင်(၃)ဦးတို့မှ ကောင်းကင်ဓာတ်ပုံဖတ်ရှုအသုံးပြုခြင်း (Photo Interpreta-tion) သင်တန်း ကို ရန်ကုန်မြို့တွင် လာရောက်ပို့ချခဲ့ပါသည်။ အဆိုပါသင်တန်းသို့ မြေတိုင်းဦးစီးဌာနမှ အရာထမ်း(၁၃)ဦးအပါအဝင်၊ အခြားဌာနဆိုင်ရာ အရာထမ်း(၁၄)ဦးနှင့် စုစုပေါင်း (၂၇)ဦး တက်ရောက် ခဲ့ကြပါသည်။ ကောင်းကင်မြေတိုင်းဌာန (မြေတိုင်းဦးစီးဌာန) - (၁၃)ဦး သစ်တောဦးစီးဌာန - (၂) ဦး ဆည်မြောင်းဦးစီးဌာန - (၂) ဦး မြို့ရွာနှင့်အိုးအိမ်ဖွံ့ဖြိုးရေးဦးစီးဌာန - (၃) ဦး စိုက်ပျိုးရေးဦးစီးဌာန - (၄) ဦး တပ်မတော်ကြည်း - (၃) ဦး မြေတိုင်းဦးစီးဌာနမှ ကောင်းကင်ဓာတ်ပုံရိုက်ကူးခြင်း (Aerial Photography) နှင့် ကောင်းကင်ဓာတ်ပုံမှ မြေပုံရေးဆွဲခြင်း ( Photogrammetry ) ဒီပလိုမာ သင်တန်းများကို ၁၉၈၀ ခုနှစ် မှ ၁၉၈၈ ခုနှစ်အတွင်း နယ်သာလန်နိုင်ငံသို့ သင်တန်းသားဦးရေ(၁၀)ဦး သွားရောက်သင်ယူခဲ့ပါ သည်။ ကောင်းကင်ဓာတ်ပုံမှ မြေပုံရေးဆွဲခြင်းနှင့် မြေပြင်သတင်းအချက်အလက်များစနစ်၊ မဟာသိပ္ပံသင်တန်းကို မြေတိုင်းဦးစီးဌာနမှ ၂၀၀၂ ခုနှစ် မှ ၂၀၀၇ ခုနှစ်အတွင်း ဂျာမဏီနိုင်ငံသို့ သင်တန်းသားဦးရေ(၂)ဦးသွားရောက် သင်ယူခဲ့ပါသည်။ ၂၀၀၄ ခုနှစ်မှ ၂၀၀၆ ခုနှစ်အတွင်း အင်ဒိုနီးရှားနိုင်ငံတွင် သဘာဝအရင်းအမြစ်များအတွက် သတင်းအချက်အလက် နည်းပညာစနစ် မဟာသိပ္ပံသင်တန်းသို့ သင်တန်းသား (၁) ဦးသွားရောက် သင်ယူခဲ့ပါသည်။ မြေတိုင်းဦးစီးဌာနမှ ကောင်းကင်ဓာတ်ပုံအသုံးပြု၍ ဒစ်ဂျစ်တယ်မြေပုံရေးဆွဲ ထုတ်လုပ်ခြင်း (Digital Mapping) ဘာသာရပ်သင်တန်း၊ အဝေးမှမြေပြင်သတင်း အချက်အလက်များစူးစမ်းထောက်လှမ်းခြင်း (Remote Sensing)၊​ ကောင်းကင် ဓာတ်ပုံအသုံးပြု မြေပုံရေးဆွဲထုတ်လုပ်ခြင်း (Photogrammetry) သင်တန်းများကို ၁၉၆၂ ခုနှစ်မှ ယနေ့ထိ ပြည်ပနိုင်ငံများသို့ သွားရောက် သင်ယူခဲ့ကြပါသည်။

ဖွဲ့စည်းပုံနှင့်ဝန်ထမ်းအင်အား

ကောင်းကင်မြေတိုင်းနှင့်ဓာတ်ပုံဌာနခွဲ၏ ၂ဝ၁၈ ခုနှစ်၊ အောက်တိုဘာလ (၃၀) ရက်နေ့အထိ ဖွဲစည်းပုံနှင့် ဝန်ထမ်းအင်အားမှာ အောက်ပါအတိုင်းဖြစ်ပါသည်။

ဖွဲ့စည်းပုံဇယား

ဝန်ထမ်းအင်အား

                   ဖွဲ့စည်းပုံအရခွင့်ပြုအင်အား ခန့်ထားအင်အား လစ်လပ်အင်အား

အရာထမ်း                     ၁၆                     ၁၃                  ၃ 

အမှုထမ်း                      ၂၄၂                    ၈၅                ၁၅၇

စုစုပေါင်း                     ၂၅၈                    ၉၈                 ၁၆၀

မူဝါဒ/ရည်မှန်းချက်

ကောင်းကင်မြေတိုင်းနှင့်ဓာတ်ပုံဌာနခွဲ၏ မူဝါဒ/ရည်မှန်းချက်များမှာ အောက်ပါအတိုင်း ဖြစ်ပါသည်။

၁။ တပ်မတော်နှင့်ဌာနဆိုင်ရာသုံးမြေမျက်နှာပြင်နိမ့်မြင့်ပြမြေပုံများရေးဆွဲထုတ်လုပ်​ပေးရန်၊
၂။ စီမံကိန်းမြေပုံများကို အချိန်နှင့်တပြေးညီရေးဆွဲထုတ်လုပ်​ပေးရန်၊
၃။ ကောင်းကင်ဓာတ်ပုံရိုက်ကူးခြင်း၊ ကောင်းကင်ဓာတ်ပုံများ၊ ဆက်ကပ်ဓာတ်ပုံများကိုနိုင်ငံတော် စီမံကိန်းလုပ်ငန်းများအတွက်ထုတ်လုပ်ဖြန့်ဖြူးပေးရန်၊

 

ကောင်းကင်မြေတိုင်းနှင့်ဓာတ်ပုံဌာနခွဲ၏ လုပ်ငန်းဆောင်ရွက်မှုများ

(က)   ဆောင်ရွက်ပြီးစီးခဲ့သောလုပ်ငန်းများ

( ၁)   သမိုင်း၀င် ကောင်းကင်ဓာတ်ပုံရိုက်ကူးခြင်းလုပ်ငန်းများ

မြန်မာနိုင်ငံ၏ ကောင်းကင်ဓာတ်ပုံရိုက်ကူးခြင်း လုပ်ငန်းအား ၁၉၂၃ - ၁၉၂၄ ခုနှစ် တွင်စတင်ခဲ့ပါသည်။ မြန်မာနိုင်ငံ သည်အရှေ့တောင် အာရှနိုင်ငံများအနက် ကောင်းကင်ဓာတ်ပုံရိုက်ကူးခြင်း လုပ်ငန်းအား ဦးစွာဆောင်ရွက်နိုင်သည့် နိုင်ငံဖြစ်ပါသည်။ ကောင်းကင်ဓာတ်ပုံဖတ်ရှု လေ့လာခြင်းပညာ ( Photographic Interpretation) ဖြင့်သစ်တောများဖုံးလွှမ်းမှု ပမာဏ ခန့်မှန်းခြင်း၊ ဓာတ်သတ္တုအရင်းအမြစ်များ ရှာဖွေခြင်း၊ မြေငလျင်ကြောများ၊ ပထဝီဝင်ဆိုင်ရာ သတင်းအချက်အလက်များရရှိခြင်း၊ မြေမျက်နှာပြင်ပြမြေပုံများရေးဆွဲခြင်းလုပ်ငန်း များအားအချိန်တိုအတွင်း ငွေကုန်ကြေးကျ သက်သာစွာဖြင့် ဆောင်ရွက်နိုင်ရန် ရည်ရွယ်လျက် ကောင်းကင်ဓာတ်ပုံရိုက်ကူးခြင်း လုပ်ငန်းများကို ဆောင်ရွက်ခဲ့ ပါသည်။

ကိုလိုနီခေတ်အတွင်း ကောင်းကင်ဓာတ်ပုံရိုက်ကူးခြင်းကို ၁၉၂၃-၂၄ ခုနှစ်တွင် Fairey Air Survey Co., Ltd, London မှ ဧရာဝတီ မြစ်ဝကျွန်းပေါ်ဒေသသစ်တောများနှင့် ၁၉၂၅ - ၂၆ ခုနှစ်တွင် ထားဝယ် - မြိတ် ဒေသသစ်တောများကို လည်းကောင်း၊ ၁၉၄၂ - ၄၃ ခုနှစ်များတွင် Indian Air Survey Co., မှ ချင်းတောင်၊ ရခိုင်ပြည်နယ်နှင့် ရခိုင်ရိုးမဒေသများကို လည်းကောင်း၊ ၁၉၄၄-၄၅ ခုနှစ်အတွင်း အမေရိကန်ပြည်ထောင်စုလေတပ် ( US Air Force ) မှ မကွေးတိုင်း၊ ဧရာဝတီတိုင်း၊ ရခိုင်ပြည်နယ်၊ ပဲခူးတိုင်း၊ ရန်ကုန်တိုင်း၊ မွန်ပြည်နယ်၊ ကရင်ပြည်နယ်၊ ရှမ်းပြည်နယ်စသည်တို့၏မြို့များကိုလည်းကောင်း မြန်မာ-ထိုင်းနယ်စပ် ဒေသများတွင်လည်းကောင်း ဆောင်ရွက်ခဲ့ပါသည်။

၁၉၅၃ ခုနှစ်၊ မတ်လ(၁၉)ရက်တွင် အမေရိကန်နိုင်ငံမှ Worldwide Air Survey Corporation နှင့် အမေရိကန် ဒေါ်လာ (၇၃၅၀၀) ကုန် ကျမည့် စာချုပ်ချုပ်ဆိုကာ ကောင်းကင်ဓာတ်ပုံမှ မြေပုံရေးဆွဲထုတ်လုပ်နိုင်သည့် စက်ကိရိယာများ ရရှိရေးနှင့် ကောင်းကင်ဓာတ်ပုံ ရိုက်ကူးရေးကို ပထမဦးဆုံးခြေလှမ်းအဖြစ်  စတင်ဆောင်ရွက်ခဲ့ပါသည်။  စာချုပ်အရ  Aerial Triangulation   ပြုလုပ်နိုင်ပြီး Small Scale နှင့် Medium Scale  မြေပုံများ ရေးဆွဲနိုင်သည့် Projector (၁၂) လုံးပါ Multiplex စက်နှင့် ကောင်းကင်ဓာတ်ပုံကူးစက်(Contact Printer)၊ Photogrammetry ဘာသာရပ်ဆိုင်ရာ စာအုပ်စာတမ်းများ၊ နည်းပညာများ (Technology Transfer) နှင့်ဧရိယာ စတုရန်းမိုင် ( ၇၆၀၀၀ ) ကျော်အား ကောင်းကင်ဓာတ်ပုံရိုက်ကူးပေးခြင်း နှင့် အလျားမိုင် ( ၆၀၀၀ ) ခန့် Airborne Magnetometer Survey ပြုလုပ်၍  သံလိုက်ဆွဲ အားပြမြေပုံ (Magnetic Map) ထုတ်လုပ်ပေးခြင်းတို့ ဆောင်ရွက်နိုင်ခဲ့ပါသည်။

၁၉၅၇ ခုနှစ်တွင် အင်္ဂလန်နိုင်ငံမှ Fairey Air Survey Company နှင့်စာချုပ် ချုပ်ဆို၍ Worldwide Air Survey Corporation နှင့် မရိုက်ကူးခဲ့သည့် ကျန်ဒေသများကို ၁:၆၀၀၀၊ ၁:၂၀၀၀၀ နှင့် ၁:၅၀၀၀၀ စကေးကောင်းကင်ဓာတ်ပုံများရိုက်ကူးပေးရန်သဘောတူ ဆောင်ရွက် ခဲ့ကြပြီး ၁၉၆၂ ခုနှစ်အထိ ဓာတ်ပုံရိုက်ပွင့်လင်းရာသီ (၅) ရာသီအတွင်း ရိုက်ကူးခဲ့ပါသည်။

(၂)    UTM  စီမံကိန်းအတွက် ကောင်းကင်ဓာတ်ပုံရိုက်ကူးခြင်း

၂၀၀၀-၂၀၀၁ မှ ၂၀၀၆-၂၀၀၇ ခုနှစ်များအတွင်း UTM စနစ်ပြောင်းလဲရေးဆွဲခြင်း ဆောင်ရွက်ရာတွင်ကောင်းကင် ဓာတ်ပုံရိုက်ကူး ခြင်းလုပ်ငန်းအားပြည်ပမှပညာရှင်များ အားခေါ်ယူ၍ ဆောင်ရွက်ခဲ့ရပါသည်။

ကောင်းကင်ဓာတ်ပုံရိုက်ကူးရာတွင် အသုံးပြုခဲ့သည့်ပစ္စည်းကိရိယာများနှင့် ရိုက်ကူးပြီးဖလင်ဆေးကြောရာတွင်အသုံး ပြုခဲ့သည့် ပစ္စည်းကိရိယာများမှာ

          -  Cessna Citation II Air Craft
         -  RC-30 Camera
         -  Computer Control Navigation System (CCNS-4)
         -  Hope Automatic Film Processor
         -  SPEK Contact Printer
         -  Vexel Ultra Scan 5000 တို့ဖြစ်ကြပါသည်။

မြေတိုင်းဦးစီးဌာနပိုင်Cessna Citation II Air Craft ကိုအသုံးပြု၍ Computer Control Navigation System (CCNS-4) နှင့် RC-30 Camera ဖြင့်ရိုက်ကူးရေး ဆောင်ရွက်ခဲ့ပါသည်။ ရိုက်ကူးရရှိလာသောဖလင်များအား ဆေးကြောခြင်းဆောင်ရွက်ရာတွင် Hope Automatic Film Processor အသုံးပြုခဲ့ပါသည်။ SPEK Contact Printer ဖြင့် Hard Copy ဓာတ်ပုံများကို ထုတ်ယူပါသည်။​ ဆေးကြောရရှိလာသည့် ဖလင်များအား ဒစ်ဂျစ်တယ် ဓာတ်ပုံများအဖြစ်သို့ ပြောင်းလဲနိုင်ရန်အတွက် Vexel Ultra Scan 5000 Photogrammetric Scanner အသုံးပြု၍ Scan ကောက်ယူခြင်းလုပ်ငန်းကို ဆောင်ရွက်ခဲ့ရပါသည်။

(၃)   Digital Camera  အသုံးပြု၍ ကောင်းကင်ဓာတ်ပုံရိုက်ကူးခြင်း

ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန၊မြေတိုင်းဦးစီးဌာနမှကောင်းကင်ဓာတ်ပုံအသုံးပြု၍မြေပြင် သတင်းအချက်အလက်များရယူနိုင်ရန်၊အရည်အသွေးမြင့် ကောင်းကင်ဓာတ်ပုံအသုံးပြုမြေပုံရေးဆွဲခြင်းလုပ်ငန်း၊ စီမံကိန်း လုပ်ငန်းများဆောင်ရွက် နိုင်ရန်တွက်ခေတ်မီနည်းပညာသုံးUltra Cam Eagle Digital Camera အား၂၀၁၂-၂၀၁၃ ဘဏ္ဍာရေးနှစ် အတွင်းဝယ်ယူအသုံးပြုခဲ့ပါသည်။

မြေတိုင်းဦးစီးဌာနသည် ကောင်းကင်ဓာတ်ပုံရိုက်ကူးသည့် Ultra Cam Eagle အားအသုံးပြု၍ ဌာန၏လူသားအရင်း အမြစ် (Human Resource) ဖြင့်ကောင်းကင်ဓာတ်ပုံ ရိုက်ကူး ခြင်းဆောင်ရွက်နိုင်ရန်၊ မျိုးဆက်သစ်ပညာရှင်များ မွေးထုတ်နိုင်ရန်ရည်ရွယ်ပါသည်။

UltraCam Eagle Camera  အားကိုင်တွယ်နည်းစနစ်၊  ကောင်းကင်ဓာတ်ပုံရိုက်ကူးခြင်းဆိုင်ရာ  စာတွေ့၊ လက်တွေ့ ဆောင်ရွက်မှု သင်တန်းအား Mr. Tan Tong Gee, Image Maps Pte  Ltd, Singapore မှ (၆- ၃-၂၀၁၃)ရက်နေ့ မှ (၂၁-၃-၂၀၁၃)ရက်နေ့ထိ သင်ကြား ပို့ချပေးခဲ့ပါသည်။​ မြေတိုင်းဦးစီးဌာနမှ အရာထမ်း(၄)ဦးတက်ရောက်စာတွေ့လက်တွေ့ လေ့လာသင်ယူခဲ့ ပါသည်။

ရိုက်ကူးပြီးကောင်းကင်ဓာတ်ပုံများအား Photo Processing လုပ်ငန်းဆောင်ရွက်နိုင်ရန် အတွက် UltraMap Photo Processing သင်တန်းကို Mr.Rama Murthy Panangipalli, Image Maps Pte Ltd, Singapore, Geospatial Services Senior Engineerမှသင်တန်းအား (၁-၄-၂၀၁၃) ရက်နေ့မှ (၁၁-၄-၂၀၁၃) ရက်နေ့ထိသင်ကြားပို့ချပေးခဲ့ပြီး သင်တန်းသား(၈)ဦး တက်ရောက်သင်ကြား ခဲ့ပါသည်။

၂၀၁၃ခုနှစ်၊ နိုဝင်ဘာလ(၃)ရက်နေ့မှ၂၀၁၃ခုနှစ်၊ နိုဝင်ဘာလ(၂၂)ရက်ထိ၊ ဒုတိယအကြိမ် ထပ်မံ၍ ကောင်းကင်ဓာတ်ပုံ ရိုက်ကူးခြင်းနှင့် ဆက်စပ်လျက်ရှိသည့် Airborne GPSတွက်ချက်ခြင်း ဆိုင်ရာ သင်တန်းအား ကျွမ်းကျင်ပညာရှင် Mr.Lasse Andersson  Finmap Co.Ltdမှ သင်ကြားပေးခဲ့ပါသည်။ ရိုက်ကူးခဲ့သည့်ဧရိယာမှာ မန္တလေးတိုင်းဒေသကြီး၊ မန္တလေးခရိုင်၊ ကျောက်ဆည်ခရိုင်၊ မြင်းခြံ ခရိုင်နှင့် စစ်ကိုင်းတိုင်းဒေသကြီး စစ်ကိုင်းခရိုင်၊ မုံရွာခရိုင်တို့အတွင်းရှိ UTM, 1:50,000 scale ​မြေပုံချပ်အမှတ် 2195-05, 2195-06, 2195-09, 2195-10, 2195-13, 2195-14, 2196-01, 2196-02 စုစုပေါင်းမြေပုံ(၈)ချပ် ဧရိယာအကျယ်အဝန်း(၆၀၀၀)စတုရန်းကီလိုမီတာ (၂၃၅၀ စတုရန်းမိုင်ခန့်) ဖြစ်ပါသည်။

 (၄)    ကောင်းကင်ဓာတ်ပုံမှ မြေပုံရေးဆွဲထုတ်လုပ်ခြင်း

ကောင်းကင် ​မြေတိုင်းနှင်ဓာတ်ပုံဌာနခွဲသည် ကောင်းကင်ဓာတ်ပုံမှ မြေပုံထုတ်လုပ်ခြင်း လုပ်ငန်းများအား စတင်ဖွဲ့စည်း တည်ထောင်သည့် ၁၉၅၃ ခုနှစ်မှ ၂၀၀၀ ပြည့်နှစ်အထိ Wild A7, Wild A8, PPO-8, Wild B8 စသည့် Analogue Plotter များ အသုံးပြု၍ ကောင်းကင်ဓာတ်ပုံမှ မြေပုံရေးဆွဲခြင်းလုပ်ငန်းများအား ဆောင်ရွက်ခဲ့ပါသည်။

၂၀၀၀ ပြည့်နှစ်နောက်ပိုင်းတွင် ခေတ်မီဖွံ့ဖြိုးတိုးတက်သော မြေပုံရေးဆွဲထုတ်လုပ်ရေးနည်းပညာများနှင့်အညီ သမားရိုးကျ မြေပုံရေးဆွဲ ထုတ်လုပ်ခြင်းမှ ဒစ်ဂျစ်တယ်မြေပုံရေးဆွဲထုတ်လုပ်ခြင်းသို့ ပြောင်းလဲခဲ့ပါသည်။ ၂၀၀၀-၂၀၀၁ မှ ၂၀၀၆-၂၀၀၇ ခုနှစ်များအတွင်း မြန်မာနိုင်ငံတစ်ဝှမ်းလုံးအား လွှမ်းခြုံသည့် ၁:၅၀၀၀၀ စကေး UTM စနစ် ဒစ်ဂျစ်တယ်မြေပုံ (၁၁၃၄) ချပ်အား DVP (Digital Video Plotter)  ဖြင့် ရေးဆွဲထုတ်လုပ်ခဲ့ပါသည်။

၂၀၀၇ ခုနှစ် နောက်ပိုင်းတွင် အချိန်နှင့် အမျှပြောင်းလဲတိုးတက်နေသည့် မြေပြင်လက္ခဏာ များနှင့်ထုတ်လုပ်ခဲ့သည့် UTM ​မြေပုံများ အကြားကွာဟမှု နည်းနိုင်သမျှ လျော့နည်းစေရန် အတွက် Up-to-date UTM Revision Map များအား Second Edition အဖြစ် ရေးဆွဲ ထုတ်လုပ်ခဲ့ပါသည်။

(၅)    Summit Evolution Work Station အသုံးပြုခြင်း

၂၀၀၂ခုနှစ် UTM စနစ်ဖြင့် မြေပုံရေးဆွဲထုတ်လုပ်ခြင်း စတင်ဆောင်ရွက်ချိန်မှ ၂၀၁၄ ခုနှစ် ထိ Summit Evolution Work Station version 2.9 အားအသုံးပြု၍ မြေပုံရေးဆွဲ ထုတ်လုပ်ခဲ့ပါသည်။၂၀၁၄ ခုနှစ်တွင် DAT-EM Systems International (Alaska U.S.A) မှထုတ်လုပ်သော Summit Evolution Photogrammetric Workstation Version 6.8 အားစတင် အသုံးပြုခဲ့ပါသည်။

Summit EV Training ကို USA နိုင်ငံ DAT-EM Systems International (Alaska) မှ  ကနေဒါနိုင်ငံသား  International Sales and Technical Support Manager Mr. Ken Byres ကပို့ချပေးခဲ့ပါသည်။ မြေတိုင်းဦးစီးဌာနမှ သင်တန်းသား(၁၀)ဦးသင်တန်းအား (၁၃-၁-၂၀၁၄) ရက်နေ့မှ (၁၆-၁-၂၀၁၄)  ရက်နေ့အထိ (၄)ရက်  ကြာပို့ချခဲ့ပါသည်။  အသစ်တိုးချဲ့  ပါဝင်လာသော စွမ်းအားမြင့် Advanced Tools များ Latest Functions များကို ကောင်းကင်ဓာတ်ပုံမှ မြေပုံထုတ်လုပ်ခြင်းလုပ်ငန်းများတွင် ပိုမိုကျွမ်းကျင်စွာဆောင်ရွက်နိုင် စေရန်နှင့် မြေတိုင်းဦးစီးဌာနရှိ ဝန်ထမ်းများအား လူ့စွမ်းအားအရင်းအမြစ် ဖွံ့ဖြိုးတိုးတက်စေရန် ဖြစ်ပါသည်။

(၆)    PCI Geomatica Software အသုံးပြုခြင်း

PCI Geomatica Training သင်တန်းကို ( ၁၇-၆-၂၀၁၃ )ရက်နေ့မှ ( ၁-၇-၂၀၁၃ ) ရက်နေ့ အထိ ကနေဒါနိုင်ငံ PCI Geomatics Inc.မှ Application Engineer Mr. Shawn Melamed က ပို့ချပေးခဲ့ပါသည်။

မြေတိုင်းဦးစီးဌာနမှဝယ်ယူခဲ့သော Geomatica Software အနေဖြင့် ကောင်းကင်မြေတိုင်းတွင်လက်ရှိအသုံးပြုလျက်  ရှိသော Photogrammetric mapping လုပ်ငန်းစဉ် သာမက ခေတ်ပေါ် Digital Camera မှ ရရှိသော Aerial Photo Imagery များ ၊ Satellite Sensor မှရရှိသော Remote Sensing Satellite imagery များပါ အသုံးပြုနိုင်သည့်အပြင် GIS လုပ်ငန်းစဉ်ဖြစ်သော Data base modeling, Spatial Analysis, GIS mapping စသည့် အဆင့်မြင့်လုပ်ငန်းစဉ်များကိုပါ ဆောင်ရွက်နိုင်သည့် Software ဖြစ်ပါသည်။

 

(၇)    ကောင်းကင်မြေတိုင်းနှင့်ဓာတ်ပုံဌာနခွဲမှဆောင်ရွက်ပြီးစီးခဲ့သည့်လုပ်ငန်းများ

 

ဘဏ္ဍာရေးနှစ်

လုပ်ငန်းအမျိုးအစား

ပြီးစီးမှုအခြေအနေ

မှတ်ချက်

၂၀၁၃-၁၄ 

၁။ ကောင်းကင်ဓာတ်ပုံရိုက်ကူးခြင်း  

ဧရိယာ - (လတ္တီကျု  ၁၅º ၃၀ʹ နှင့် ၁၈º ၀၀ʹ  နှင့်

             လောင်ဂျီကျု ၉၄º ၀၀ʹ နှင့် ၉၇º ၀၀ʹ  ကြား)     

           - UTM 1:50,000 မြေပုံချပ်ပေါင်း(၉၁)ချပ်၊

              (၈၈,၆၃၄ စတုရန်းကီလိုမီတာ)

           - (ဧရာဝတီတိုင်းဒေသကြီး၊ ရန်ကုန်တိုင်းဒေသကြီး၊

              ပဲခူးတိုင်းဒေသကြီးတောင်ပိုင်းနှင့်

               ရခိုင်ပြည်နယ်တောင်ပိုင်းတို့ပါဝင်သည်)     

 

၂။ Revision Map ရေးဆွဲခြင်း  

UTM 1:50,000 မြေပုံချပ်ပေါင်း(၁၅၀)ချပ်

 

၃။ ဓာတ်ပုံညွှန်းရိုက်ကူးခြင်း

UTM 1:50,000 မြေပုံချပ်ပေါင်း(၂၄)ချပ်

 

၄။ မြေပုံသစ်ရေးဆွဲခြင်း

-

 

၅။ အခြား

-

 

၂၀၁၄-၁၅

၁။ ကောင်းကင်ဓာတ်ပုံရိုက်ကူးခြင်း

ဧရိယာ - (လတ္တီကျု  ၁၈º ၀၀ʹ နှင့် ၁၉º ၀၀ʹ  နှင့်

               လောင်ဂျီကျု ၉၃º ၂၆ʹ နှင့် ၉၇º ၀၀ʹ  ကြား)     

           - UTM 1:50,000 မြေပုံချပ်ပေါင်း(၅၁)ချပ်၊

              (၃၈,၁၅၀ စတုရန်းကီလိုမီတာ)

           - (ပဲခူးတိုင်းဒေသကြီး၊မကွေးတိုင်းဒေသကြီးတောင်ပိုင်း၊                 

              ဧရာဝတီတိုင်းဒေသကြီးမြောက်ပိုင်း၊ ကရင်ပြည်နယ်၊

              ရခိုင်ပြည်နယ်တို့ပါဝင်သည်)     

 

၂။ Revision Map ရေးဆွဲခြင်း

UTM 1:50,000 မြေပုံချပ်ပေါင်း(၁၅၀)ချပ်

 

၃။ ဓာတ်ပုံညွှန်းရိုက်ကူးခြင်း

UTM 1:50,000 မြေပုံချပ်ပေါင်း(၁၂)ချပ်

 

၄။ မြေပုံသစ်ရေးဆွဲခြင်း

UTM 1:50,000 မြေပုံချပ်ပေါင်း(၂၇)ချပ်

 

၅။ အခြား

-

 

၂၀၁၅-၁၆

၁။ ကောင်းကင်ဓာတ်ပုံရိုက်ကူးခြင်း

 

 

၂။ Revision Map ရေးဆွဲခြင်း

UTM 1:50,000 မြေပုံချပ်ပေါင်း(၆၈)ချပ်

၃၁.၈.၁၅    အထိ

၃။ ဓာတ်ပုံညွှန်းရိုက်ကူးခြင်း

UTM 1:50,000 မြေပုံချပ်ပေါင်း(၄)ချပ်

၃၁.၈.၁၅    အထိ

၄။ မြေပုံသစ်ရေးဆွဲခြင်း

UTM 1:50,000 မြေပုံချပ်ပေါင်း(၂၀)ချပ်

၃၁.၈.၁၅    အထိ

၅။ အခြား

 

 

(ခ)    ရှေ့လုပ်ငန်းစဉ်များ

ကောင်းကင်မြေတိုင်းနှင့်ဓာတ်ပုံဌာနခွဲ၏​ရှေ့လုပ်ငန်းစဉ်များမှာ အောက်ပါအတိုင်း ဖြစ်ပါသည်။

          (၁)  ခေတ်မီနည်းပညာများအသုံးပြု၍မှန်ကန်တိကျသောမြေမျက်နှာပြင်နိမ့်မြင့်ပြ မြေပုံများ စကေးအမျိုးမျိုးဖြင့်ရေး
                ဆွဲထုတ်လုပ်ရန်၊
          (၂)  မြန်မာနိုင်ငံတစ်ဝှမ်းလုံးအားအသစ်ဝယ်ယူထားသည့်UltraCam Eagle Digital Cameraအသုံးပြု၍30 GSD
                Resolution ဖြင့် ကောင်းကင်ဓာတ်ပုံများ ရိုက်ကူးရန်၊
          (၃)  High Resolution Aerial Photo များအသုံးပြု၍နိုင်ငံတော်ဖွံ့ဖြိုးတိုးတက်ရေးအတွက်လိုအပ်သည့် စကေးကြီး
                စီမံကိန်းမြေပုံများ ထုတ်လုပ်သွားရန်၊
          (၄)  ဒစ်ဂျစ်တယ်စနစ်ကောင်းကင်ဓာတ်ပုံများ၊ စကေးကိုက်ဓာတ်ပုံမြေပုံများ(Orthophoto Map) ရေးဆွဲ
                ထုတ်လုပ်ရန်၊
          (၅)  1:25,000  Scale Topographic Map များအား မြန်မာနိုင်ငံတစ်ခုလုံးအတွက် ထုတ်လုပ်သွားရန်၊
          (၆)  တိုင်းဒေသကြီး ၊ ပြည်နယ်မြို့တော်များနှင့်  အခြားမြို့ကြီးများ၏  မြေမျက်နှာ  သွင်ပြင်ပြ  မြေပုံများအားလည်း
                 1:10,000 Scale ဖြင့် ထုတ်လုပ်သွားရန်၊
          (၇)  နိုင်ငံတော်ဖွံ့ဖြိုးတိုးတက်ရေးအတွက် လိုအပ်သည့် စီမံကိန်းလုပ်ငန်းများတွင် ပူးပေါင်း ပါဝင်ဆောင်ရွက်ရန်၊
          (၈)  ခေတ်မီနည်းပညာရပ်များကို မျိုးဆက်သစ်ဝန်ထမ်းများအားလက်ဆင့်ကမ်း သင်ကြားပို့ချလျက်လူ့စွမ်းအားအရင်း
                 အမြစ်​မြှင့်တင်ရေး(Human Resource Development) ဆောင်ရွက်ရန်၊

 

 

​ကောင်းကင်မြေတိုင်းနှင့်ဓာတ်ပုံဌာနခွဲတွင် ဒစ်ဂျစ်တယ်မြေပုံရေးဆွဲထုတ်လုပ်ရာတွင် အသုံးပြုခဲ့သည် Hardware နှင့် Software များ

           ဒစ်ဂျစ်တယ် မြေပုံရေးဆွဲထုတ်လုပ်ရာတွင် အသုံးပြုခဲ့သည် Hardware များမှာ-

            -          Vexcel Ultra Scan 5000 Photogrammetric Scanner
           -           Digital Photogrammetric Workstations and Server

            ဒစ်ဂျစ်တယ်မြေပုံရေးဆွဲထုတ်လုပ်ရာတွင် အသုံးပြုခဲ့သည် Software များမှာ-

            -           Digital Video Plotter (DVP)
            -           Match AT Aerial Triangulation Software
            -           Match-T Digital Terrain Model Software
            -           Summit Evolution Photogrammetric Software

          ဒစ်ဂျစ်တယ်ဓာတ်ပုံများအား Match AT Aerial Triangulation Software အားအသုံးပြု၍ ကောင်းကင်တြိဂံဖွဲ့ တိုင်းတာတွက်ချက်ခြင်း ဆောင်ရွက်ခဲ့ပါသည်။ Digital Video Plotter (DVP) Software အား အသုံးပြု၍ မြေမျက်နှာသွင်ပြင် အသေးစိတ် အချက်အလက်များရေးဆွဲခြင်း၊ Match-T Digital Terrain Model Software ဖြင့် မြေမျက်နှာသွင်ပြင်နိမ့်မြင့်ပြအမှတ်များ (DTM) အော်တိုမတ်တစ်ချမှတ်ခြင်း၊ Summit Evolution Photogrammetric Software ဖြင့် တည်းဖြတ်ခြင်း၊ ကွန်တိုလိုင်းများ ရေးဆွဲခြင်းတို့ကို ဆောင်ရွက်ခဲ့ပါသည်။

          ဒစ်ဂျစ်တယ်ကင်မရာဖြင့် ရိုက်ကူးထားသည့် အရည်အသွေးမြင့် ကောင်းကင်ဓာတ်ပုံ များကို စွမ်းဆောင်ရည်မြင့်မြေပုံ ရေးဆွဲထုတ်လုပ် နိုင်သည့် Summit Evolution Software နှင့် PCI Geomatica Software များကို ထပ်မံဖြည့်တင်း၍ ဆောင်ရွက်ခဲ့ပါသည်။

Go to top